"الهندسة الفراغية" تعيد البسمة لطالبات الثانوية بعد امتحان "الفيزياء"

الجمعة 16 يونيو 2017 01:52 م
image
خرجت طالبات الثانوية العامة، من مدرسة جمال عبد الناصر الثانوية بنات، بمنطقة دار السلام، ووجوههن مبتسمة فرحًا بأدائهن في مادة الرياضيات البحتة (الجبر والهندسة الفراغية) بشعبة علمي رياضة، يوم الثلاثاء الموافق 13 يونية، وأعربت الطالبات عن سعادتهن بسهولة الأسئلة، واشتكي البعض من قِصر وقت الامتحان، وقام فريق "صوت السلام" برصد أراء الطالبات حول الامتحان في السطور التالية.. تقول الطالبة زينب سمير: يمكن لأي طالب الحصول على الدرجة النهائية في الامتحان، لأن الأسئلة جاءت من نماذج كتاب المدرسة، وخاصة النموذج الثالث والرابع، وبعض الأسئلة تشابهت مع أسئلة سنوات سابقة، ولكن المشكلة الوحيدة أن ساعتين غير كافيتين لحل 20 سؤال. وتقول الطالبة رحمة صلاح: "المسألة الواحدة كانت متطلباتها كتير، ولما كنت بحس إني باخد في مسألة وقت طويل، كنت بنقل على سؤال تاني، حتى لو مقدرتش أخلص المسألة رغم إني عارفة إجابتها، وبعض المسائل كان فيها أفكار من سنة أولى وتانية ثانوي، والطالب اللي مش متأسس في السنين اللي فات، هيعجز عن إجابة أسئلة زي سؤال المصفوفات". "أنا محليتش مسألتين في الامتحان، لأن الوقت مكفاش، وكان مسألة منهم بـ30 درجات، وإحنا محتاجين ورق أكتر في نظام البوكليت، لأن مساحة الإجابة أحيانًا ما بتكفيش للحل، وبنضطر نكمل في المسودة، وكمان يزودوا الوقت عشان نلحق نراجع".. هكذا تعلق الطالبة منة الله عصام، على امتحان الجبر والهندسة الفراغية. وتقول الطالبة رحمة أحمد: "الامتحان كان في مستوى الطالب اللي أقل من المتوسط، وسهل مقارنة بالامتحانات اللي فاتت، وفي مسألتين بس كان فيهم نقط صعبة من ضمن 20 سؤال، ويادوب خلصنا الوقت على الوقت بالظبط".