يوميات بنوته

الاثنين 31 أكتوبر 2016 07:53 م
كالعادة صحيت رؤي علي صوت مامتها بتزعق علي انها مغسلتش الهدوم بتاعتها وصحيت رؤي واول كلمه قالتها :- اصتبحنا علي زعيق يا حجه روقي كدا يا ست الكل وهعملك الللي يعجبك ردت ام رؤي :-عرفاكي بكاشه يا رؤي وبتكليني بكلمتين بعدين غسلتي هدوم المدرسه وله هتصوتيلي الصبح وتقوليلي الهدوم فين ردت رؤي :- يا ماما ما انتي عارفه اني تالته ثانوي ودماغي مش فيا عاوزا اجيب مجموع حلو ادخل بيه اعلام ما انتي عارفه ان دا حلمي من صغري وبابا الله يرحمه كان نفسه يشفني صحفيه كبيره ردت ام رؤي :-الله يرحمه يا رؤي كان بيتمناه يشوفك صحفيه كبيره قبل ما يموت نفسي يا رؤي تحققي اللي كان بيتمناه اكيد هيحس بيكي ويتبسط رؤي :- شفتي يا حجه شكلي مش هلحق وله اعلام وله حتي معاهد لسلكي كنت هنسا درس العربي وهتلقي شيرين بتنادي تحت وتصدعنا هقوم البس بسرعه صوت من تحت :- يا رؤي يا رؤي يا رؤي رؤي :- اهي جت يا ماما -اطلعي يا شيرين شيرين :- انتي لسه مش لبستي يا بارده الدرس هيضيع علينا ومستر حمدي مبيستناش حد يا رؤي ودي مراجعات الامتحان والوقت هيسرقنا ومفيش وقت نعوض الحصص رؤي :- خلاص يا شيرين بلبس اهو كلها خمس دقايق بلاش رغي بقا هشششش ام رؤي :- اي يا بت يا شوشو رؤي مزعلاكي في اي الفشله دي شيرين :- يا طنط متاخره علي كل الدروس وماخراني معاها بس اعمل اي قدري بقا وصحبتي ولازم استحملها ام رؤي :- ربنا يخليكو لبعض يا حبيبتي رؤي :- يلا يا ست شيرين عشان نلحق الدرس نزلت رؤي وشيرين ووصلو السنتر اللي فيه الدرس ودار الحوار دا في الحصه مستر حمدي :- اتاخرتو ليه يا هانم منك ليها انتو مش فهمين انكو في تالته ثانوي ودي مراجعات بلاش دلع بقا يلا ادخلو عشان اعيد اللي فاتكو بقا وياريت متتكررش تاني يا رؤي انا عارف انك اللي بتتاخري شيرين مببتاخرش. رؤي :- خلاص يا مستر بقا باذن الله مش هنتاخر تاني مستر حمدي :- لما نشوف شرح مستر حمدي اكتر من قاعده نحو وفي الاخر قال مين يعرف يطلع يشرحهم مكاني ؟ رفعت رؤي اديها عشان هيا شاطره اوي في دراستها ورفعت بنت تاني اسمها مها مبتحبش رؤي خالص وافق مستر حمدي علي ان رؤي تطلع تشرح وطلعت تشرح وفعلا شرحت بطريقه ممتازة خلت كل اللي في الدرس يبصلها ويعجب بيها اكتر من اعجبهم في تفوقها في دراساتها وحبها ليها وطبعا معداش الموقف علي مستر حمدي كدا اداها شهاده تقدير عشان تحطها وسط مليون شهاده خدتها منه قبل كدا فاضل كام يوم علي الامتحانات فاضل 10 اايام .