"ماد زيدان" :""الراب" بالنسبة لي "ملجأ"

الاثنين 18 سبتمبر 2017 12:40 م
image
"ماد زيدان" أحد أشهر مغنيي الراب بالمنصورة
كتب_يوسف أشرف:
"بدأت اغنى راب من وانا في 3 ثانوين يعني من حوالي 7 سنين تقريباً، وكان مستوى الكتابة سيء، وحاولت كذا مره أكتب واجرب أدائي هيبقى عامل ازاى, وكان المستوى متدني بالنسبة لدلوقتي، بس
كنت حابب الموضوع"،  هكذا بدأ "ماد زيدان"،مغني راب25 عام، حديثه لقلم المنصورة، ليستكمل حديثه قائلاً : ساعدنى في البداية رابر قديم من المنصورة من جيل "أمسي أمين" كدا .
وأضاف: "الأمور ماظبتطش معاه، وساعدنى في المزيكا وعرفنى على برامج التسجيل وكان بيسمع الشغل ويدينى تعليقه.
أما عن قيمة "الراب" بالنسبة له فقال: "الراب" بالنسبة ليس هدفاً، هو بالطبع هواية،لكن الامر بالنسبة لي أكبر من ذلك،"انت ممكن تقول ان الراب بالنسبالى ملجأ لما الدنيا تكون مش كويسة معايا أو نفسيتى محتاجة تصليح، وده المقابل اللى باخده من الراب ومش مستنى حاجة تانية، وأكيد فيه محتوى بوصلة للمستمع ومش متبنى رسالة فى الأغاني، دى مجرد أفكارى لا أكتر ولا أقل، وانا بقدم مزيكا بس."
وعن ماقدمه من أغنيات "راب" يقول"ماد زيدان" ليست لدي أغنية مفضلة أو رقم 1 بالسبة لي، لكن أغنيات "ليالى الشتا الباردة" و"اتكلمي" لاقت إعجاباً واسعاً من الجمهور.
ويضيف "لم أواجه أية مشكلة مع المجتمع بسبب أية أغنية , فقط انتقادات لأشياء معينة، "وانا قبل ما أبدأ أغنى راب كنت عارف أنا بغنى ليه، علشان ده بيأثر على طريقة الشغل، ومثلاً لو حد هايغني راب علشان العائد المادى هيدور على الحفلات والشو والسبونسرز وإلى آخره، ودى حاجه أنا مش ضدها، إنما لو هيراب علشان نفسه فى المقام الأول، هيكون الراب حاجه بيلجألها لما يحتاجها، فـصعب يسيبها، النوع الأول مع الوقت لو مالاقاش العائد المطلوب هيسيبها، إنما لو بتغني راب علشان مزاجك عمرك ما هتسيبه".