معرض "مستلزمات المدارس" في انتظار "الزبائن"

الاثنين 11 سبتمبر 2017 03:30 م
إقبال قليل على المعرض في أيامه الأولى
إفتتح اللواء "عصام البديوي"، محافظ المنيا، معرض مستلزمات العام الدراسي لسنة 2017 / 2018، أمس الأول 8 سبتمبر باستراحة المحافظة القديمة بكورنيش النيل، استعدادا للعام الدراسي الجديد.
"الأسعار هنا أحسن من برة، محتاجين بس شوية دعاية للمكان"، هكذا قال "مندي عبد الحكيم"، 43 سنة، أحد البائعين، عن فاعليات المعرض .
وقال "يسري أحمد" : " المكان هنا جميل مجهز حلو جداً، وكمان كإدارة و أمن، لكن النهاردة ماكانش فيه إقبال كبير، ومحتاجين إعلانات أكتر عن المعرض، فالناس تعرف و تيجي".
"إحنا اتصدمنا أول ماجينا هنا، كنا فاكرين بقى الناس هتيجي زيادة، و مش هنلاحق نقعد من الشغل، خصوصًا إن المعرض مدعم من المحافظ و الغرفة التجارية و ان كمان ده موسم"، هكذا قاطعت الحديث إحدى البائعات،لتضيف قائلة : "الأمن حلو جدًا، و الإدارة ممتازة، ناقصنا بس الزباين .
أما "تامر رؤوف" ،43 عام، فقال : "المشكلة كلها إن مفيش زباين كافية في المعرض، لازم يكون في دعاية كافية للمكان، لأن في ناس كتير أوي ماتعرفش إن فيه معرض، والإقبال قليل.