"4 YOU”: العب رياضة.. عبر براحتك.. واتعلم فن

الأحد 15 مايو 2016 04:43 م
image
"سعادة الإنسان هي هدفنا، وتغيّره للأفضل هو دورنا".. هكذا وصف فريق مبادرة "فور يو سبورتس تيم"، التي دشنها أربعة شباب من محافظة المنيا هم "بسام عادل، وماريو ميشيل، وفادي صالح، ورفيق عاطف"، في أغسطس 2015. يقوم نشاط المبادرة على الرياضة التي يخصصون لها عدة أيام في الأسبوع، لرؤيتهم الألعاب الرياضية وسيلة جيدة لنشر الثقافة والفن، وتساهد في تعليم الشباب، الأمر الذي يدعم هدف المبادرة وهو إخراج الطاقة المخزونة داخل الشباب. ويتابع المؤسسون حديثهم عن ذلك قائلين: "الألعاب هي أكتر حاجة بتفرح كل الناس، فقدرنا نستغل النقطة دي ونقدم من خلالها أنواع كتير من الفنون زي الرقص والرسم والجرافيتي والمسرح والغنا والنحت وغيرها من الفنون، ببساطة إحنا مؤمنين جدا إن كل إنسان فنان بالفطرة وهو بس محتاج لمساحة حرة من التعبير وكل اللي بنعمله إننا بنوفرها له". يضيف الشباب الأربعة: "كمان قدرنا نوصل مبادئ كتيرا من خلال ألعابنا، ونزود من ثقافتنا من خلال هدف كل يوم بنعمله، ومن خلال تجمعنا وطاقتنا الكبيرة قدرنا نبني فريق تنظيم قوي، وقدرنا ننظم أيام لمدارس كتيرة ولجمعيات ومؤسسات كبيرة واشتغلنا مع أخواتنا ذوي الاحتياجات الخاصة، ومع كل المراحل الدراسية من أول الحضانة وحتى الخريجين، وكان النجاح الحقيقي بالنسبة لنا هو السعادة والضحكة اللي على وش كل واحد وواحدة، وده الوقود اللي بيحركنا، وكل ما بنتقدم خطوة بتزيد طاقتنا أكتر وأكتر وبنحس بإن الحلم بيتحقق".