مين فينا؟

الاثنين 27 نوفمبر 2017 05:50 م
image
مين فينا  حدد لون عنيه
ويوم ولادته فكر هيكون اسمه  ايه ؟
في حاجات كتير عشناها وهنعيشها 
ومنعرفش برضه ليه ؟!
زي قلبي لما دق لما سمع خير وحق
زي جاري لما ابتسملي  قالي مبروك النجاح
والاذّان بيأذن حي علي الفلاح
والمدرس بيقول هيا الي الكفاح
والجرايد بتقول قبضنا ع السفاح
والاعلام بيهري والحرامي بيجري
وكل اب لشهيد بيقول هنطبق القصاص
زي جامع جمبه نيل
زرع واشجار النخيل 
زي دير من الف جيل
فيه رهبان ماسكين اناجيل
زي فرحة تخلي طفله قلبها فرحان سعيد
زي فرحه تخليك انت قاعد والدموع في عنيك
زي واحد قلبه واخد ع الصدمات ودا من سنين
حجات كتير منعرفش ليه
حصلت امتي وفين وليه
زي قلب واقف ثابت ع الفراق مقالش لا
عايش حياته علي ذكرايته مستني يسمع ماليش غيرك
اضحك خليك قوي في وش واحد قلبه مات
مش عارف ان اللي عمله هيكونله في يوم عقاب
ممكن يكون مريض بالفصام ممكن يكون في حياته الاّم
ادعيله في صلاتك سجادك وقيامك
ربنا وحده العالم بالحال