إبداع| الباب مقفول

الثلاثاء 28 فبراير 2017 05:06 ص
image
خلاص الباب مقفول عايش وسط فقر وجوع واللى معاه مسموحله دخول امتى الباب يبقى مفتوح امتى الحزن يخف يروح مابقاش عندى ثقة بالنفس ولا حتى غرور بقيت موجوع ومليان بدموع ولما تسال يقولوا دى أصول ماتبصش فوق صدر الحكم ممنوع من الدخول المعاملة أسوأ من معاملة جربوع عايزين وسطة أو ابن فلول ماينفعش معاهم اللى بيفطر فول إنت مجنون عايز تكون مبسوط ماينفعش فى البلد دي البلد دي عايزة اللى يمشي بالمخلوف وساعتها يضربولك تعظيم سلام ويتقالك أحلى كلام أصلك ماشى بالمعكوس قصدي معاك فلوس قال وعايزين مصالحة بين النفوس وانت دايس عليها بالفوس وتسال ليه الإنسان عايش مظلوم يقولك ربنا عادل وأدرى بالنفوس البلد دى مش هتطلع لقدام عشان أهلها عايشة خلف خلاف وظلم واستبداد والضرب ف الأقسام والرشوة هنا وهناك والوسطة وسط البهوات عمرك ماهتطلعي لقدام من كتر الدوس على كرامة الانسان والناس همها ابن فلان وابن علان وليه مجبتش درجة زى ابن ترتان وطبعا قدامك غلبان ويحبك وأمان ووراك إسفاف وغيظان معلش الشعر النهاردة سودان أصل عيني مفهاش غير بهتان حتى الآن كلية طيران عايزاها kite ولا plane

موضوعات متعلقة