حملات عمال على بطال

السبت 23 ديسمبر 2017 07:39 م
image
ساعات الناس بتقول كلام
يضحك القلب الحزين
نازلين علينا بحملات
قال إيه عشان الفقير

فقيرنا مش ناقصة لحمة
ولا عمره يقول "تاكسي"
ولو تمنهم ربع جنيه
فقيرنا عايز علاجه

وتأمين صحي من غير طوابير
فقيرنا عايز خضاره من غير رشة مبيد
فقيرنا نفسه في مية نازلة من المواسير
فقيرنا عايز ابنه يتمتع بالتعليم

زي ما قالوا مجاني من غير مصاريف
فقيرنا عايز تضرب على إيد المدرس
وتقله عيب تلم مرتبات الفقرا
عشان سيادتك تفرح وتهيص

فقيرنا عارف نفسه في إيه؟
نفسه ابنه في شغله
ملهاش واسطة ولا محاسيب
وكيل نيابة أو حتي سفير
هو من بلادهم ولا عميل
فقيرنا عايز بيت اقتصادي

للغلابة بجد بدون تسريب
للي معاه يدفع ويشيل
فقيرنا سافر علشان
نفسه يبقي عريس

طلع بره يشتغل
رجع بلاده في الصناديق
يبتوع الحملات والله مافيكم فقير
إنتوا ناس شبعانة عايزين
طبل ومزامير
 

موضوعات متعلقة