هنا الثورجية

الاثنين 27 نوفمبر 2017 05:38 م
image
هنا الثورجيه مش البلطجية، هنا صوت بلادي الشريفة العفية
ومن قلبنا اللي ساع المكان  ، هنبدأ إذاعة شباب الميدان
مافيش إعلاناتكم ولا حتى فاصل ، هايفاصل ما بيننا وبين حلم كان
ملون بأبيض وأحمر وأسود ، وصوتها واصل لكل مكان
لا فاسد هايمنع تردد صداها، ولا حتى حامي وكان مش حرامى
ولا حتى عايم علي الموج وبان ، وعايز يجدف مع الثورجية
بيزنق خياله في وسط القضية ويعلن،بعزم السلق يا عالم أنا مش معاهم
دول بلطجية ونفسي أكون مرة واحدة مش معاهم وينفع منيين
يلف الملفلف علي الملفوفين هنا في الإذاعة،مافيش اللكاعة ولا الرغايبن
هنا المتحاجين النهار اللي غايب ، هنا المشتاقين حضن الحبايب
هنا المشغولين بالجراد اللي سايب ، بلادنا علي الترعه ضايع صهيلها
وفي أول نهارها ومساها وليلها، بتسمع إذاعة زمان بهلوان
ومش قادرة تسمع حفيف العيدان شجرها ، اللي لسه في عز وبيعه
إذاعته القلوب والعنين والودان، بيانتها ترسم تجليل وترحيب
هنا المصراوية شبابنا العفية ، وأصحاب إذاعة جديدة و شجية
أغانيها تفتف لبكره اللي جاي ، يا ريت تسمعوها بجد افهموها
لكن خلي بالكم فى يوم تفقدوها ، وتتوه الخلايق ولا تعرفوها
وتنسوا وطنكم وتنسو القضية، رغم الخوف اللي ساكن في عيونكم
عموما هاسيبكم مع الثورجية، إذاعة بلدنا من البلطجية

موضوعات متعلقة