لو نحلم

الخميس 09 نوفمبر 2017 02:43 م
لو نحلم، إيه هايفيد في الحلم
الحلم يادوب لحظات بتمر ما بين جفنيتن ومنام
ويا دوب بنعدي الحلم نفوق ع الأوجاع
التوت بيسافر في المسافات والليل بيفتت نور الصبح
في زحمه ضهر وغروب بيفوت
والتوت أوجاع وأحلام بتموت وسكوت وقنوط
إنسان مكبوت زنازين للصوت
ورحيل بخفوت نفس الأوجاع
طب إيه هايفيد
لو نفسالبحر ساكن غاص في الموج غرقان
او نفس النخل الاجوف بات دفيان
أو نفس البيت
ونفس الحضن ونفس الاه ونفس الوجع
الساكن توت الليل يظهر ويبان لو نحلم ؟؟؟؟؟
والأم ما زالت لمسه إيدي وبتحضن فيا
طريق الخوف من همس عنيا ساعات يناديني
التوت والنخل رافض ضله يضم التقل اللي
في خطايا ايه هايفيد لو نحلم نصرخ
ويطلع صوتنا لغايه بكره ويرجع فكره تدوب فينا بقسوة
وتطحن أجمل ذكرى فروع أوجاع مش توت
بيسافر كل وداع طب ساعات تلاكيك
طب ايه يرضيك هل شكل الحلم يفيد جواك
هل معني الحلم يفيد معناه 
هل طعم الحلم حلم من غير ذكراك
لو نحلم؟؟؟؟؟؟؟

موضوعات متعلقة