زهقان

الاثنين 17 يوليو 2017 01:42 م
image
- يا ماما يا ماما هو احنا مش هنسافر؟؟،انا كل صحابي سافروا و انا لا. - معلش يا ريناد مش دلوقتي. *ريناد تدخل غرفتها و هي حزينة* - يا ريناد ممكن ادخل ؟ - اتفضل يا مصطفي. - مالك في ايه هو انتي كل شوية هتروحي تسألي ماما و بابا امتي هنسافر. - عايزني اعمل ايه مثلا ؟ - مش يمكن مش معاهم فلوس دلوقتي و محرجين يقولولك كدة . - طيب خلاص مش هسألهم تاني , بس المفروض اعمل ايه في الأجازة الطويلة دي , ده حتي انا قاعدة زهقانة طول الوقت. - بصي يا ستي احنا ممكن في الصبح مثلا نجيب خرز و نتعلم شوية اعمال يدوية من علي اليوتيوب. - فكرة حلوة , طب وبالليل ؟ - ممكن مثلا نخرج انا وانت, لكن ده مش هينفع كل يوم يعني هيبقي مثلا مرة في الأسبوع , وباقي الأيام ممكن مثلا نشترك في كورسات ممكن تخرجي مع صحباتك البنات , أو ممكن نروح النادي. - خلاص أنا موافقة ونبتدي من النهاردة , يلا ننزل نجيب الخرز. - يلا. *** *يدخل الأب وتدخل الأم بعد مرور نصف الاجازة* - ازيكوا يا ولاد. - تمام. - عندنا اخبار كويسة ليكوا. - ايه في ايه؟؟ - احنا قررنا ان احنا هنسافر الأسبوع الجاي , احنا لقيناكوا بتعملوا حاجات مفيدة جدا في الأجازة فقررنا اول ما تخلصوا الأسبوع الجاي هنسافر عشان تكونوا استفدتوا بالأجازة كلها. - شكرا جدا. *** *ريناد و مصطفي بعد ما عرفوا انهم مسافرين* - شوفتي يا ريناد احنا كدة استفدنا من الأجازة وهنسافر. - ايوة ده احنا بقينا نتكلم انجليزي كويس بعد الكورسات اللي اخدناها , وعملنا اشكال كويسة بالخرز وبقا عندنا معرض , يلا نروح نلعب علي الكمبيوتر شوية قبل ما نسافر عشان نكون استفدنا من الناحية دي كمان - علي رأيك يلا نستفيد شوية من الألعاب .

موضوعات متعلقة