إقبال لطالبات "الشيماء" على مبادرة "قيمنا تنير حياتنا"

الاثنين 13 نوفمبر 2017 04:16 م
الطالبات أثناء استماعهن للندوة
استكملت مبادرة"قيمنا تنير حياتنا"، بمدرسة الشيماء الثانوية بنات، نشاطها بإتمام اللجان واكتمال أعضاء اللجنة الفنية، وما تتضمنه من إلقاء للشعر و الرسم و التمثيل، و تم طبع شعار المبادرة و تنظيم جولة داخل الفصول لتعريف الطلاب بالمبادرة.
و تنظم المبادرة لجولة خارج المدرسة اليوم الثلاثاء 13 نوفمبر، لنشر المبادرة خارج المدرسة، و ذلك عن طريق اختيار عشرة بنات من بنات المدرسة يقسموا لفريقين لتعريف الطلاب بالمبادرة و محتوياتها، وتم تقسيم اللجان لتكون  النشر و التوعية، المالية، التوثيق، المشغولات، الفنية، التنظيم، السوشيال ميديا.
و تنظم المبادرة ندوة أسبوعية، لمناقشة قيمة أخلاقية للطلاب، عبر السوشيال ميديا، و يديرها  عدد من الطلاب ومعلمي الفلسفة بالمدرسة.

و قالت "سهير منصور"،معلمة الفلسفة و التربية الوطنية بالمدرسة،: الإقبال كان حلو و كويس جدًا، بدليل اننا عملنا امبارح ندوة عن العنف ضد المرأة، و ده من ضمن قيم المبادرة، والقاعة اللى عملنا فيها الندوة كانت مش شايلة البنات من كتر عددهم، و كنا واقفين علي باب القاعة عشان نمنع العدد يتكدس .
وأكملت حديثها قائلة: "يمكن أول مرة تحصل أن القاعة كانت مليانة و مفيش مكان لباقي البنات في الندوة فأنا حسيت أن الاقبال كان شديد و كمان لما بدخل فصول ألمدرسة بلاقي البنات بيتكلموا عن المبادرة و عاوزين يسجلوا معانا في اللجان، و البنات واخدين الموضوع بجد و بيشتغلوا"
وأضافت " البنات عملوا لوحات جميلة مثل لوحة الطالبة ساندرا نظام و خلناها خلفية الندوة، و كمان الندوة جتلنا مفاجأة و مع ذلك نظمناها في يوم واحد بسبب حماسة البنات وكمان أخصائيات المدرسة ساعدونا كتير و كانوا وافقين معانا و بيهتموا.

و قالت الطالبة "أمل محمد"، إحدى المشاركات في المبادرة، :  "عاوزين ندوة تانية عشان يشرحوا فيها القيم كلها بالتفصيل، عشان ندوة واحدة مكنتش تكفي، و عاوزينها بوقت أكتر عشان نكون مدركين أحنا داخلين علي أيه"، وأضافت : "أنا بالفعل أشتغلت في الندوة و جبنا لوح و هنشتغل فيها من بكره بأذن الله، وأنا شايفاها مبادرة كويسة لأنهم بيطبقوا اللي قالوه، مش شكل و بس، و يسعدني أني أكون عضو من الفريق.
وعلقت الطالبة "أنجي محمد"، إحدى المشاركات، :” أنا شايفاها شيء كويس، و بقول انهم مقصرين أنهم عملوها متأخر و كانت المفروض تتعمل من فترة أكبر، و كمان ماينفعش تكون لمدة شهر بس، ده مش كافي، إحنا محتاجنها تكمل معانا في الإجازات لغاية مانحس أنها بتأثر فينا، لكن هي فكرة ناجحة جدًا.