مايكل أمجد .. أفضل مخترع في مسابقة "intel"

الاثنين 16 أكتوبر 2017 07:10 م
image
صورة أرشيفية لأمجد خلال إحدى مراحل المسابقة
"انا بدأت اختراعاتى من حوالى 4 سنين وقتها كنت فى أولى اعدادي وزي أي حد مبتدئ، كانت مشاريعى بسيطة , المشكلة إن احنا هنا في مصر مش بندعم أي حد، فطبعًا أنا شبعت كلام من نوعية: إنت مسمى اللى انت بتعمله دا اختراعات أنا ممكن ادخل على اليوتيوب وأعمل احسن منه، ووقتها أخدت كلامهم تحفيز وبدأت اتعلم البرمجة والذكاء الاصطناعي".
هكذا تحدث "مايكل أمجد "،16 سنة، طالب بمدرسة سوهاج الثانوية العسكرية، والحائزعلى المركز الأول على مستوى الجمهورية فى مسابقه "إنتل ايسف للعلوم والهندسة " ليصبح ممثل لمصر في المسابقة في المسابقة التي ستقام بالولايات المتحدة الاميركية .
فكرة المشروع
وأضاف "مايكل" قائلا: "بالنسبة لمشروعي في البداية كان عبارة عن جهاز بيخلي فاقدي البصر يقدروا يستخدموا الكمبيوتر, بعد كده طورته وأضفت جهاز بيحول لغه الإشارة لصوت للناس الصم، بعد كدا التطوير دا ضفته قريب للمصابين باللصم (إعاقة مزدوجة)، ودا بيحول أنفاسهم لصوت علشان يقدروا يتواصلوا بشكل طبيعي".
بداية الرحلة 
ويقول " مايكل أمجد " عن مراحل الاستعدادت للمسابقة :" بالنسبة لرحلتي في المسابقة، ماكنتش متوقع النجاح، لكن كالعادة برضه، كنت بحاول لحد ما تخطيت المعرض التمهيدي، وده طبعا كان حافز ليا، فطورت المشروع أكتر قبل المعرض المحلي، واستمريت أطور أكتر، لحد ما وصلت للنهائى, أما مغامرة السفر فدي كانت أجمل مغامرة، وعمري ما أنساها، واتعرفت فيها على مخترعين من بلاد مختلفة ".